تیز ترین سروس ۔۔ شہری24 گھنٹے میں پاسپورٹ گھر بیٹھے حاصل کر سکیں گے

(مانیٹرنگ ڈیسک) قطار و انتظار کا جھنجھٹ ختم، فاسٹ ٹریک سروس شروع، اب شہری گھر بیٹھے 24 گھنٹے میں پاسپورٹ حاصل کرسکیں گے۔

وفاقی وزیر داخلہ شیخ رشید احمد نے سماجی رابطے کی ویب سائٹ ’ٹوئٹر‘ پر جاری کردہ اپنے ایک بیان میں کہا کہ فاسٹ ٹریک سروس شروع کی گئی ہے، اس سروس کے ذریعے شہری گھر بیٹھے پاسپورٹ 24 گھنٹے میں حاصل کرسکتے ہیں۔

Now get your passport within 24 hours. Avail DGIP FAST TRACK SERVICE. https://t.co/n4y0fplQxm

 

وفاقی وزیرنے بتایا کہ اس سروس سے پشاور، اسلام آباد، راولپنڈی، لاہور، ملتان، کوئٹہ اور کراچی کے شہری استفادہ کرسکیں گے۔

واضح رہے کہ حکومت نے گزشتہ ماہ آئندہ سال سے ای پاسپورٹ کے اجرا کا فیصلہ کیا تھا، اب تک فاسٹ ٹریک سروسز کے ذریعے 1224 افراد کو 24 گھنٹے میں پاسپورٹس ڈیلیور کیے گئے ہیں۔