مسلم خواتین کی نیلامی، جاوید اختر مودی سرکار کی خاموشی پر حیران

ھارتی نغمہ نگار جاوید اختر نے 100 سے زائد مسلم خواتین کی آن لائن نیلامی اور پارلیمنٹ آف ریلیجنز پر اپنے انقلابی خیالات کا اظہار کیا جس پر ان کے ہی خلاف آن لائن نفرت انگیز مہم شروع ہو گئی۔

میڈیا رپورٹ کے مطابق جاوید اختر نے سوشل میڈیا پر اپنی ایک پوسٹ کے ذریعے بھارتی وزیراعظم نریندر مودی سے سوال کیا کہ سیکڑوں خواتین کی آن لائن نیلامی ہو رہی ہے، نام نہاد دھرم سنسد فوج اور پولیس کو تقریبا 20 کروڑ ہندوستانیوں کے قتل عام کا مشورہ دے رہی ہے، میں سب کی خاموشی پر حیران ہوں ، تقریبا 100 مسلم خواتین کو "بلی بائی” نامی ایک بھارتی ایپ پر نیلامی کیلئے رکھا گیا اور ہوسٹنگ پلیٹ فارم Github پر لانچ کیا گیا تھا۔

دہلی اور ممبئی میں ایف آئی آر کے معاملے کی جانچ پڑتال جاری ہے جب کہ Github پر مذکورہ اکاونٹ بند کر دیا گیا۔ نریندر مودی سے سوال پوچھنے پر جاوید اختر کے خلاف آن لائن نفرت انگیز مہم کا سلسلہ بھی شروع ہو گیا ہے۔