بابراعظم کے نام ایک اوراعزاز؛ ون ڈے کرکٹر آف دی ایئر قرار

دبئی: دبئی: انٹر نیشنل کرکٹ کونسل(آئی سی سی ) ون ڈے کرکٹر آف دی ایئر کا ایوارڈ بابر اعظم نے جیت لیا۔

بابر اعظم نے ایک اور اعزاز اپنے نام کر لیا، ون ڈے کرکٹر آف دی ایئر کا ایوارڈ بھی جیت لیا، ایوارڈ کیلئے شکیب الحسن، جنیمن مالان اور پال اسٹرلنگ بھی نامزد ہوئے تھے، بابر اعظم نے گزشتہ سال 6 میچز میں 67.50کی اوسط سے405 رنز بنائے، دو سنچریز بھی شامل تھیں۔

واضح رہے کہ اس سے قبل محمد رضوان آئی سی سی ٹی ٹوئنٹی پلیئر آف دی ایئر قرار پائے تھے، فاطمہ ثناء خواتین میں ایمرجنگ کرکٹر کے ایوارڈ کی حقدار قرار پائی تھیں۔