امریکا نے اسرائیل کے قریب دوسرے بیڑے کی تعیناتی پر غور شروع کر دیا
واشنگٹن: امریکا نے اسرائیل کے قریب دوسرے بیڑے کی تعیناتی پر غور شروع کر دیا ہے۔
غیر ملکی میڈیا رپورٹس کے مطابق جیسے جیسے حماس اور اسرائیل کے درمیان لڑائی میں شدت آتی جا رہی ہے، ویسے ویسے امریکا بھی مشرقی بحیرہ روم میں اپنی موجودگی میں اضافہ کر رہا ہے، ایک بحری بیڑے کی تعیناتی کے بعد اب دوسرا طیارہ بردار بحری جہاز بھی خطے میں بھیجنے پر غور ہو رہا ہے۔
میڈیا رپورٹس کے مطابق امریکا کا اقدام خطے کی دیگر طاقتوں کی جانب سے اسرائیل کو تحفظ فراہم کرنا ہے، امریکا ایک بیڑے کو پہلے ہی اسرائیل کے قریب تعینات کر چکا ہے، یہ بیڑا یو ایس ایس جیرالڈ آرفورڈ جوہری ہتھیاروں سے لیس ہے۔