ڈاکٹر قاسم فکتو کی کتاب بانگ کی تقریب رونمائی آ ج ہوگی

اسلام آباد () مقبوضہ جموں و کشمیر کے حریت رہنما ڈاکٹرقاسم فکتو کی کتاب بانگ کی تقریب رونمائی آج صبح10بجے ایوان کشمیرکے ہال میں منعقد ہوگی، تقریب کے مہمان خصوصی صدر آزاد ریاست جموں و کشمیر سردار مسعود خان کریں گے، جبکہ سینیٹر مشاہد حسین سید، سینیٹر عرفان صدیقی ، سینیٹرڈاکٹر زرقا سہروردی اور ڈاکٹر قاسم فکتو، سیدہ آسیہ اندرابی کے بھانجے ڈاکٹر سید مجاہد گیلانی اپنے خیالات کاا ظہار کریں گے، واضح رہے کہ ڈاکٹر قاسم فکتو 29سال سے بھارتی جیلوں میں زیر حراست ہیں جبکہ قید کے دوران اب تک وہ19کتابیں تصنیف کرچکے ہیں، تاہم ان کی پہلی کتاب کی طباعت ابھی پاکستان میں ان کے خاندان کے افراد کے ذریعے ممکن ہوسکی ہے۔