حکومت کا کسانوں کے مسائل کو ترجیحی بنیادوں پر حل کرنے کا فیصلہ وزیراعظم کی افسران کسانوں کی شکایات کے فوری حل کے لیے اقدامات کرنے کی ہدایت کسانوں کوسرکاری دفاترکے چکرنہیں لگانا پڑیں گے،مراسلہ وزیراعظم آفس

اسلام آباد() حکومت نے کسانوں کے مسائل ترجیحی بنیادوں پر حل کرنے کا فیصلہ کر لیا ،وزیر اعظم  نے افسران کو کسانوں کی شکایات فوری حل کرنے کی ہدایت کردی ۔اس سلسلے میں وزیراعظم ڈیلیوری یونٹ نے تمام صوبائی حکومتوں کومراسلہ جاری کردیا ہے۔ مراسلے کے مطابق وزیراعظم نے ہدایت کی ہے کہ افسران کسانوں کی شکایات کے فوری حل کے لیے اقدامات کریں۔ کسانوں کی آگاہی کے لیے ضلعی سطح پرمہم بھی چلائی جائے۔ چیف سیکریٹریز کسانوں کے مسائل کے حل پرافسران کی سہ ماہی کارکردگی رپورٹ مرتب کریں، کسان اپنے مسائل براہ راست سیٹیزن پورٹل پر درج کروا سکیں گے۔زیراعظم آفس کے مراسلہ کے مطابق کسانوں کوسرکاری دفاترکے چکرنہیں لگانا پڑیں گے۔ تمام صوبوں میں کسانوں کے مسائل کے لئے 123 سرکاری افسران کو ذمہ داریاں تفویض کردی گئی ہیں۔خیبرپختونخواہ کے 43 پنجاب کے 57 افسران کو ذمہ داری جب کہ بلوچستان 12، سندھ 4، وفاق 4، آزادکشمیر2 اورگلگت میں 1 سرکاری افسرکو ذمہ داری سونپ دی گئی ہے۔کسان کھاد، بیج، پانی کی چوری، فصل، اجناس کی قیمتوں پرشکایات درج کروا سکیں گے۔ کیڑے مار دوائیاں اور دیگر52 مسائل کا ادرا بروقت ممکن ہوسکے گا۔