’سب ڈر جاتے تھے یار‘، سنجے دت بھی وسیم اکرم کی ریورس سوئنگ کے دیوانے
35
انڈین فلم انڈسٹری بالی وڈ کے اداکار سنجے دت بھی پاکستان کے سابق فاسٹ بولر وسیم اکرم کی بولنگ کے مداح نکلے۔
بدھ کو دبئی میں منعقد ہونے والی ایک تقریب میں سنجے دت نے گفتگو کے دوران کہا کہ ’وسیم بھائی کے ساتھ اس تقریب میں شرکت کرنا میرے لیے اعزاز کی بات ہے، وسیم میرے بھائی کی طرح ہیں اور میں انہیں بہت برسوں سے جانتا ہوں۔‘
تقریب سے خطاب کرتے ہوئے سنجے دت نے وسیم اکرم کی تعریف کرتے ہوئے کہا ’وسیم اکرم کی ریورس سوئنگ اوہ مائی گاڈ، سب ڈر جاتے تھے یار۔‘
سنجے دت نے کہا ’میں نے دنیا میں جتنے بھی عظیم کرکٹرز دیکھے وسیم اکرم ان میں سے ایک ہیں اور وہ میرے لیے کرکٹ کے بھگوان ہیں۔‘
